1There the Venerable Sāriputta addressed the bhikkhus:

"Friends, could a bhikkhu obtain such a state of concentration that (1) he would not be percipient of earth in relation to earth … (11) he would not be percipient of anything seen, heard, sensed, cognized, reached, sought after, and examined by the mind, but he would still be percipient?"

---

2"We would come from far away, friend, to learn the meaning of this statement from the Venerable Sāriputta. It would be good if the Venerable Sāriputta would clear up the meaning of this statement. Having heard it from the Venerable Sāriputta, the bhikkhus will retain it in mind."

3"Well then, friends, listen and attend closely. I will speak."

---

"Yes, friend," those bhikkhus replied. The Venerable Sāriputta said this:

4"Bhikkhus, a bhikkhu could obtain such a state of concentration that he would not be percipient of earth in relation to earth … he would not be percipient of anything seen, heard, sensed, cognized, reached, sought after, and examined by the mind, but he would still be percipient."

---

5"But how, Bhante, could he obtain such a state of concentration?"

---

6"Here, bhikkhus, a bhikkhu is percipient thus: ‘This is peaceful, this is sublime, that is, the stilling of all activities, the relinquishing of all acquisitions, the destruction of craving, dispassion, cessation, nibbāna.’ It is in this way, bhikkhus, that a bhikkhu could obtain such a state of concentration that he would not be percipient of earth in relation to earth … … he would not be percipient of anything seen, heard, sensed, cognized, reached, sought after, and examined by the mind, but he would still be percipient."

1Tatra kho āyasmā sāriputto bhikkhū āmantesi:

"Siyā nu kho, āvuso, bhikkhuno tathārūpo samādhipaṭilābho yathā neva pathaviyaṁ pathavisaññī assa, na āpasmiṁ āposaññī assa, na tejasmiṁ tejosaññī assa, na vāyasmiṁ vāyosaññī assa, na ākāsānañcāyatane ākāsānañcāyatanasaññī assa, na viññāṇañcāyatane viññāṇañcāyatanasaññī assa, na ākiñcaññāyatane ākiñcaññāyatanasaññī assa, na nevasaññānāsaññāyatane nevasaññānāsaññāyatanasaññī assa, na idhaloke idhalokasaññī assa, na paraloke paralokasaññī assa, yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā tatrāpi na saññī assa; saññī ca pana assā"ti?

---

2"Dūratopi kho mayaṁ, āvuso, āgaccheyyāma āyasmato sāriputtassa santike etassa bhāsitassa atthamaññātuṁ. Sādhu vatāyasmantaṁyeva sāriputtaṁ paṭibhātu etassa bhāsitassa attho. Āyasmato sāriputtassa sutvā bhikkhū dhāressantī"ti.

3"Tenahāvuso, suṇātha, sādhukaṁ manasi karotha; bhāsissāmī"ti.

---

"Evamāvuso"ti kho te bhikkhū āyasmato sāriputtassa paccassosuṁ. Āyasmā sāriputto etadavoca:

4"Siyā, āvuso, bhikkhuno tathārūpo samādhipaṭilābho yathā neva pathaviyaṁ pathavisaññī assa … pe … yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā tatrāpi na saññī assa; saññī ca pana assā"ti.

---

5"Yathā kathaṁ panāvuso, siyā bhikkhuno tathārūpo samādhipaṭilābho yathā neva pathaviyaṁ pathavisaññī assa … pe … yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā tatrāpi na saññī assa; saññī ca pana assā"ti?

---

6"Idha, āvuso, bhikkhu evaṁsaññī hoti: ‘etaṁ santaṁ etaṁ paṇītaṁ, yadidaṁ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānan’ti. Evaṁ kho, āvuso, siyā bhikkhuno tathārūpo samādhipaṭilābho yathā neva pathaviyaṁ pathavisaññī assa, na āpasmiṁ āposaññī assa, na tejasmiṁ tejosaññī assa, na vāyasmiṁ vāyosaññī assa, na ākāsānañcāyatane ākāsānañcāyatanasaññī assa, na viññāṇañcāyatane viññāṇañcāyatanasaññī assa, na ākiñcaññāyatane ākiñcaññāyatanasaññī assa, na nevasaññānāsaññāyatane nevasaññānāsaññāyatanasaññī assa, na idhaloke idhalokasaññī assa, na paraloke paralokasaññī assa, yampidaṁ diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā tatrāpi na saññī assa; saññī ca pana assā"ti.

---

Ekādasamaṁ.
Anussativaggo dutiyo.

7Dve vuttā mahānāmena,
nandiyena subhūtinā;
Mettā aṭṭhako gopālo,
cattāro ca samādhināti.