This sutta is identical with the preceding one except that in both the sections on origination and cessation the similes come first and their applications only afterwards. sn.ii.89

1Sāvatthiyaṁ vihārati.

"Seyyathāpi, bhikkhave, mahārukkho. Tassa yāni ceva mūlāni adhogamāni, yāni ca tiriyaṅgamāni, sabbāni tāni uddhaṁ ojaṁ abhiharanti. Evañhi so, bhikkhave, mahārukkho tadāhāro tadupādāno ciraṁ dīghamaddhānaṁ tiṭṭheyya. Evameva kho, bhikkhave, upādāniyesu dhammesu assādānupassino vihārato taṇhā pavaḍḍhati. Taṇhāpaccayā upādānaṁ … pe …

Evametassa kevalassa dukkhakkhandhassa samudayo hoti.

2Seyyathāpi, bhikkhave, mahārukkho. Atha puriso āgaccheyya kuddālapiṭakaṁ ādāya. So taṁ rukkhaṁ mūle chindeyya, mūle chetvā palikhaṇeyya, palikhaṇitvā mūlāni uddhareyya … pe … nadiyā vā sīghasotāya pavāheyya. Evañhi so, bhikkhave, mahārukkho ucchinnamūlo assa tālāvatthukato anabhāvaṅkato āyatiṁ anuppāda dhammo. Evameva kho, bhikkhave, upādāniyesu dhammesu ādīnavānupassino vihārato taṇhā nirujjhati. Taṇhānirodhā upādānanirodho … pe …

Evametassa kevalassa dukkhakkhandhassa nirodho hotī"ti.

Chaṭṭhaṁ.