SN35:150 Suitable for Attaining Nibbāna (4)
- DG BB TBW © Translated from the Pali by Bhikkhu Bodhi. (More copyright information)
1"Bhikkhus, I will teach the way that is suitable for attaining Nibbāna. Listen to that …
"What do you think, bhikkhus, is the eye permanent or impermanent?" … all as in §32 …
15"Seeing thus … sn.iv.136 He understands: ‘ … there is no more for this state of being.’
"This, bhikkhus, is the way that is suitable for attaining Nibbāna."
1"Nibbānasappāyaṁ vo, bhikkhave, paṭipadāṁ desessāmi. Taṁ suṇātha … pe … katamā ca sā, bhikkhave, nibbānasappāyā paṭipadā? Taṁ kiṁ maññatha, bhikkhave, cakkhu niccaṁ vā aniccaṁ vā"ti?
2"Aniccaṁ, bhante".
3"Yaṁ panāniccaṁ dukkhaṁ vā taṁ sukhaṁ vā"ti?
4"Dukkhaṁ, bhante".
5"Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: ‘etaṁ mama, esohamasmi, eso me attā’"ti?
6"No hetaṁ, bhante".
7"Rūpā niccā vā aniccā vā"ti?
8"Aniccā, bhante".
9"Cakkhuviññāṇaṁ … cakkhusamphasso … pe … yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā"ti?
10"Aniccaṁ, bhante".
11"Yaṁ panāniccaṁ dukkhaṁ vā taṁ sukhaṁ vā"ti?
12"Dukkhaṁ, bhante".
13"Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: ‘etaṁ mama, esohamasmi, eso me attā’"ti?
14"No hetaṁ, bhante".
15"Evaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati … pe … yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati. Nibbindaṁ virajjati; virāgā vimuccati … pe … nāparaṁ itthattāyāti pajānāti.
Ayaṁ kho sā, bhikkhave, nibbānasappāyā paṭipadā"ti.
Pañcamaṁ.