SN35:32 Suitable for Uprooting (2)
- DG BB TBW © Translated from the Pali by Bhikkhu Bodhi. (More copyright information)
1"Bhikkhus, I will teach you the way that is suitable for uprooting all conceivings. Listen to that. "And what, bhikkhus, is the way that is suitable for uprooting all conceivings?
2What do you think, bhikkhus, is the eye permanent or impermanent?"
3"Impermanent, venerable sir."
4"Is what is impermanent suffering or happiness?" sn.iv.25
5"Suffering, venerable sir."
6"Is what is impermanent, suffering, and subject to change fit to be regarded thus: ‘This is mine, this I am, this is my self’?"
7"No, venerable sir."
8–21"Are forms permanent or impermanent? … Is eye-consciousness … Is eye-contact … Is any feeling that arises with eye-contact as condition—whether pleasant or painful or neither-painful-nor-pleasant—permanent or impermanent? …
"Is the ear permanent or impermanent? … Is the mind … Is any feeling that arises with mind-contact as condition permanent or impermanent?"
22"Impermanent, venerable sir."
23"Is what is impermanent suffering or happiness?"
24"Suffering, venerable sir."
25"Is what is impermanent, suffering, and subject to change fit to be regarded thus: ‘This is mine, this I am, this is my self’?"
26"No, venerable sir." sn.iv.26
27"Seeing thus, bhikkhus, the instructed noble disciple experiences revulsion towards the eye, towards forms, towards eye-consciousness, towards eye-contact, towards whatever feeling arises with eye-contact as condition—whether pleasant or painful or neither-painful-nor-pleasant. He experiences revulsion towards the ear … towards the mind … towards whatever feeling arises with mind-contact as condition … . Experiencing revulsion, he becomes dispassionate. Through dispassion his mind is liberated. When it is liberated there comes the knowledge: ‘It's liberated.’ He understands: ‘Destroyed is birth, the holy life has been lived, what had to be done has been done, there is no more for this state of being.’
"This, bhikkhus, is the way that is suitable for uprooting all conceivings."
1"Sabbamaññitasamugghātasappāyaṁ vo, bhikkhave, paṭipadāṁ desessāmi. Taṁ suṇātha. Katamā ca sā, bhikkhave, sabbamaññitasamugghātasappāyā paṭipadā?
2Taṁ kiṁ maññatha, bhikkhave, cakkhu niccaṁ vā aniccaṁ vā"ti?
3"Aniccaṁ, bhante".
4"Yaṁ panāniccaṁ dukkhaṁ vā taṁ sukhaṁ vā"ti?
5"Dukkhaṁ, bhante".
6"Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: ‘etaṁ mama, esohamasmi, eso me attā’"ti?
7"No hetaṁ bhante".
8"Rūpā … pe … cakkhuviññāṇaṁ … cakkhusamphasso nicco vā anicco vā"ti?
9"Anicco, bhante" … pe … .
10"Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā"ti?
11"Aniccaṁ, bhante".
12"Yaṁ panāniccaṁ dukkhaṁ vā taṁ sukhaṁ vā"ti?
13"Dukkhaṁ, bhante".
14"Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: ‘etaṁ mama, esohamasmi, eso me attā’"ti?
15"No hetaṁ, bhante" … pe … .
16"Jivhā niccā vā aniccā vā"ti?
17"Aniccā, bhante" … pe … .
18"Rasā … jivhāviññāṇaṁ … jivhāsamphasso … pe … yampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā"ti?
19"Aniccaṁ, bhante" … pe … dhammā … manoviññāṇaṁ … manosamphasso nicco vā anicco vā"ti?
20"Anicco, bhante".
21"Yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tampi niccaṁ vā aniccaṁ vā"ti?
22"Aniccaṁ, bhante".
23"Yaṁ panāniccaṁ dukkhaṁ vā taṁ sukhaṁ vā"ti?
24"Dukkhaṁ bhante".
25"Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ: ‘etaṁ mama, esohamasmi, eso me attā’"ti?
26"No hetaṁ, bhante".
27"Evaṁ passaṁ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati. Yampidaṁ cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati … pe … jivhāyapi nibbindati, rasesupi … pe … yampidaṁ jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati … pe … . Manasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati. Yampidaṁ manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā tasmimpi nibbindati. Nibbindaṁ virajjati; virāgā vimuccati; vimuttasmiṁ vimuttamiti ñāṇaṁ hoti. ‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.
Ayaṁ kho sā, bhikkhave, sabbamaññitasamugghātasappāyā paṭipadā"ti.
Dasamaṁ.
Sabbavaggo tatiyo.
28Sabbañca dvepi pahānā,
parijānāpare duve;
Ādittaṁ addhabhūtañca,
sāruppā dve ca sappāyā;
Vaggo tena pavuccatīti.