1Then a number of bhikkhus approached the Blessed One … . The Blessed One then said to them: "Bhikkhus, what now is spiritual power? What is the basis for spiritual power? What is the development of the bases for spiritual power? What is the way leading to the development of the bases for spiritual power?"

The Buddha answers his own questions exactly as in §19.

1Atha kho sambahulā bhikkhū yena bhagavā tenupasaṅkamiṁsu … pe … ekamantaṁ nisinne kho te bhikkhū bhagavā etadavoca: "katamā nu kho, bhikkhave, iddhi, katamo iddhipādo, katamā iddhi pāda bhāvanā, katamā iddhi pāda bhāvanāgāminī paṭipadā"ti? "Bhagavaṁmūlakā no, bhante, dhammā bhagavaṁnettikā … pe … .

2"Katamā ca, bhikkhave, iddhi? Idha, bhikkhave, bhikkhu anekavihitaṁ iddhividhaṁ paccanubhoti – ekopi hutvā bahudhā hoti … pe … yāva brahmalokāpi kāyena vasaṁ vatteti – ayaṁ vuccati, bhikkhave, iddhi.

3Katamo ca, bhikkhave, iddhipādo? Yo, bhikkhave, maggo, yā paṭipadā iddhilābhāya iddhipaṭilābhāya saṁvattati – ayaṁ vuccati, bhikkhave, iddhipādo.

4Katamā ca, bhikkhave, iddhi pāda bhāvanā? Idha, bhikkhave, bhikkhu chandasamādhippadhānasaṅkhārasamannāgataṁ iddhi pādaṁ bhāveti, vīriyasamādhi … pe … cittasamādhi … vīmaṁsāsamādhippadhānasaṅkhārasamannāgataṁ iddhi pādaṁ bhāveti – ayaṁ vuccati, bhikkhave, iddhi pāda bhāvanā.

5Katamā ca, bhikkhave, iddhi pāda bhāvanāgāminī paṭipadā? Ayameva ariyo aṭṭhaṅgiko maggo, seyyathidaṁ – sammādiṭṭhi … pe … sammāsamādhi – ayaṁ vuccati, bhikkhave, iddhi pāda bhāvanāgāminī paṭipadā"ti.

Dasamaṁ.