1"Bhikkhus, possessing five factors, the eldest son of a head-anointed khattiya king yearns to be the viceroy. What five? (1) Here, the eldest son of a head-anointed khattiya king is well born … as far back as the seventh paternal generation. (2) He is handsome, attractive, graceful, possessing supreme beauty of complexion. (3) He is pleasing and agreeable to his parents. (4) He is pleasing and agreeable to the armed forces. (5) He is wise, competent, and intelligent, able to consider benefits pertaining to the past, future, and present.

2"It occurs to him: (1) ‘I am well born … as far back as the seventh paternal generation, so why shouldn’t I yearn to be the viceroy? (2) I am handsome, attractive, graceful, possessing supreme beauty of complexion, so why shouldn’t I yearn to be the viceroy? (3) I am pleasing and agreeable to my parents, so why shouldn’t I yearn to be the viceroy? (4) I am pleasing and agreeable to the armed forces, so why shouldn’t I yearn to be the viceroy? (5) I am wise, competent, and intelligent, able to consider benefits pertaining to the past, future, and present, so why shouldn’t I yearn to be the viceroy?’ Possessing these five factors, the eldest son of a head-anointed khattiya king yearns to be the viceroy.

3"So too, bhikkhus, possessing five qualities, a bhikkhu yearns for the destruction of the taints. What five? (1) Here, a bhikkhu is virtuous … he trains in them. (2) He has learned much … and penetrated well by view. (3) He is one whose mind is well established in the four establishments of mindfulness. (4) He has aroused energy … not casting off the duty of cultivating wholesome qualities. (5) He is wise; he possesses the wisdom … that leads to the complete destruction of suffering.

4"It occurs to him: (1) ‘I am virtuous … I train in them, so why shouldn’t I yearn for the destruction of the taints? (2) I have learned much … and penetrated well by view, so why shouldn’t I yearn for the destruction of the taints? (3) I am one whose mind is well established in the four establishments of mindfulness, so why shouldn’t I yearn for the destruction of the taints? (4) I have aroused energy for the abandoning of unwholesome qualities … not casting off the duty of cultivating wholesome qualities, so why shouldn’t I yearn for the destruction of the taints? (5) I am wise; I possess the wisdom … that leads to the complete destruction of suffering, so why shouldn’t I yearn for the destruction of the taints?’

"Possessing these five qualities, a bhikkhu yearns for the destruction of the taints."

1"Pañcahi, bhikkhave, aṅgehi samannāgato rañño khattiyassa muddhāvasittassa jeṭṭho putto oparajjaṁ pattheti. Katamehi pañcahi? Idha, bhikkhave, rañño khattiyassa muddhāvasittassa jeṭṭho putto ubhato sujāto hoti mātito ca pitito ca, saṁsuddhagahaṇiko, yāva sattamā pitāmahayugā akkhitto anupakkuṭṭho jātivādena; abhirūpo hoti dassanīyo pāsādiko paramāya vaṇṇapokkharatāya samannāgato; mātāpitūnaṁ piyo hoti manāpo, balakāyassa piyo hoti manāpo; paṇḍito hoti viyatto medhāvī paṭibalo atītānāgatapaccuppanne atthe cintetuṁ.

2Tassa evaṁ hoti: ‘Ahaṁ khomhi ubhato sujāto mātito ca pitito ca, saṁsuddhagahaṇiko, yāva sattamā pitāmahayugā akkhitto anupakkuṭṭho jātivādena. Kasmāhaṁ oparajjaṁ na pattheyyaṁ. Ahaṁ khomhi abhirūpo dassanīyo pāsādiko paramāya vaṇṇapokkharatāya samannāgato. Kasmāhaṁ oparajjaṁ na pattheyyaṁ. Ahaṁ khomhi mātāpitūnaṁ piyo manāpo. Kasmāhaṁ oparajjaṁ na pattheyyaṁ. Ahaṁ khomhi balakāyassa piyo manāpo. Kasmāhaṁ oparajjaṁ na pattheyyaṁ. Ahaṁ khomhi paṇḍito viyatto medhāvī paṭibalo atītānāgatapaccuppanne atthe cintetuṁ. Kasmāhaṁ oparajjaṁ na pattheyyan’ti. Imehi kho, bhikkhave, pañcahi aṅgehi samannāgato rañño khattiyassa muddhāvasittassa jeṭṭho putto oparajjaṁ pattheti.

3Evamevaṁ kho, bhikkhave, pañcahi dhammehi samannāgato bhikkhu āsavānaṁ khayaṁ pattheti. Katamehi pañcahi? Idha, bhikkhave, bhikkhu sīlavā hoti … pe … samādāya sikkhati sikkhāpadesu; bahussuto hoti … pe … diṭṭhiyā suppaṭividdhā; catūsu satipaṭṭhānesu suppatiṭṭhitacitto hoti; āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu; paññavā hoti, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.

4Tassa evaṁ hoti: ‘Ahaṁ khomhi sīlavā, pātimokkhasaṁvarasaṁvuto viharāmi ācāragocarasampanno aṇumattesu vajjesu bhayadassāvī, samādāya sikkhāmi sikkhāpadesu. Kasmāhaṁ āsavānaṁ khayaṁ na pattheyyaṁ. Ahaṁ khomhi bahussuto sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpā me dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā. Kasmāhaṁ āsavānaṁ khayaṁ na pattheyyaṁ. Ahaṁ khomhi catūsu satipaṭṭhānesu suppatiṭṭhitacitto. Kasmāhaṁ āsavānaṁ khayaṁ na pattheyyaṁ. Ahaṁ khomhi āraddhavīriyo viharāmi akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu. Kasmāhaṁ āsavānaṁ khayaṁ na pattheyyaṁ. Ahaṁ khomhi paññavā udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Kasmāhaṁ āsavānaṁ khayaṁ na pattheyyan’ti.

Imehi kho, bhikkhave, pañcahi dhammehi samannāgato bhikkhu āsavānaṁ khayaṁ patthetī"ti.

Chaṭṭhaṁ.